Y Bragdy

Credir bod y bwthyn hunan arlwyo hwn yn dyddio’n ôl i’r 16eg ganrif ac mae wedi ei leoli yn yr iard gysgodol ar dir Plas Cadnant yn edrych dros ardd berlysiau wrth ymyl ‘Yr Hen Laethdy’.

Mae drws ffrynt llydan yn arwain i’r neuadd. Mae’r ystafell fyw sy’n eang ac wedi ei dodrefnu’n gyfforddus yn cael ei goleuo gan lampau a’i chynhesu gan stôf nwy ar nosweithiau oer. Mae teledu lliw, peiriant Freeview a DVDs ar gael, yn ogystal â dewis da o lyfrau. Mae lle i ddau eistedd wrth y bwrdd cinio ar gyfer noson ramantus. Mae grisiau derw yn arwain i fyny i’r groglofft gyda llawr pren sglein a rygiau, a gwely dwbl antîc anghyffredin.

Mae cegin fodern braf sy’n cynnwys hob nwy, popty trydan, microdon, peiriant golchi, gyda llawr llechi a chypyrddau derw. Mae’r ystafell ymolchi fawr gyda baddon a chawod uwchben, toiled a basn ymolchi. Mae mesurydd i fesur y tanwydd.